في إعلان بحبه أوي بتاع كوكاكولا لايت بيحيوا فيه نماذج لكل الستات على اختلافهم واختلاف طباعهم وصفاتهم
عاوزة أضيف لهم نموذج يحيوه_إن وجد_طبعا
تحية لكل زوجة مصرية يشهد لها زوجها أنها مش نكدية وياسلام بقى لو اعترف بالعكس
يعني قال أن زوجته خالية من دواعي النكد ومنغصات العيش وأنها كمان أحد عوامل البهجة في حياته
مع اعتبار ذلك ميزة إضافية وليست شرطا ملزما
بشرطين
يقدم شهادته بعد مرور 3 سنوات على الزواج على الأقل
أن تكون زوجته مصرية الجنسية ومن أبوين وجدين مصريين وذلك لضمان تغلبها على عوامل الوراثة لجيلين متعاقبين
وسيتم منح هذه الزوجة
تحية كبيــــــــــــــــــــــــــــرة
ولقب الزوجة (اللايت) على غرار إعلان الكولا
ونحيطكم علما بأن الزوج الشجاع العادل المنصف اللي يقول كدة سينضم إلى قائمة الأبطال القوميين المصريين زيه زي الجندي المجهول كدة ودة غير أنه _غالبا إن شاء الله_هيروح الجنة معززا مكرما ومش حدف
لأنه بخطوته دي سيساهم _ولو قليلا _في رفع وصمة وعار لقب (الزوجة النكدية)اللي لازم الزوجة المصرية من فترة زمنية تطول على القياس
وحسنة قليلة تمنع بلاوي كتيرة
ملحوظة أخيرة:ليس للصورة المرفقة أي نوايا من إياها هي بس القافية حكمت
4 comments:
طبعا لازم يدخل الجنة معززا مكرما
وهي كمان تدخلها معززة مكرمة
هو في حد بيخشها حدف
تخيلوا كده واحد يدخل الجنة محدوف وداخل يدقلج (يتدحرج).مش منظر خالص!!ـ
صح؟!ـ
مش عارفة ليه دايمًا يا أيوي برجع مشكلة النكد لمشكلة مصر أصل لو مفيش مشاكل مادية ودروس وكلام من ده مش هيبقى فيه نكد
وعشان الراجل عادةً بيهرب من مواجهة المشاكل والست بتحب تتناقش وتفضفض فيها فعشان كده ده سبب النكد
ومش هنختلف في إن فيه ستات نكدية بس فيه رجالة كمان ولا إيه رأيك
آه صحيح وإيه يعني لما يكون لك نوايا من إياها
بس أكيد ماما سوزي مش نكدية خالص إلا طبعًا عشان توريث جيمي
ها ما علينا مع إنه ينا وعلينا والله
بالمناسبة بقى احنا مقاطعين الكوكولا دا له علاقة بينا كستات؟؟؟؟؟؟؟
تقبلى مرورى
تحياتى
Post a Comment